அடிப் பிரதக்ஷணம் செய்யும் அவளைத் தெரியும் எனக்கு
வெள்ளிக்கிழமைகளில்
அவள் வருகைக்காக காத்திருப்பது போல் ஏங்கி நிற்கின்றன சன்னிதியின் கற்கள்
எத்தனை அடிகள் நடந்திருப்பாள்
எண்ணிக் கொண்டேனும் நடந்திருப்பாளா
எதற்காக நடக்கின்றாள்
அவளின் வேண்டுதல்கள் அத்தனை நீளமா
எங்கோ இருக்கும் கடவுளே
சற்று இறங்கித்தான் வந்துவிடேன்
அவள் எதிர்திசையில் நடக்கும் முன்னால்